حضرت ادریس علیہ السلام

اللہ تعالیٰ نے کلام اللہ شریف میں حضرت ادریس علیہ السلام کا ذکرِ مبارک سورۂ مریم اور سورۂ انبیاء میں فرمایا ہے، روایات میں وارد ہے کہ آپ کا زمانہ حضرت نوح علیہ السلام اور حضرت آدم علیہ السلام کے درمیان ہے اور یہ کہ آپ کا وطن بابل تھا۔

آپ کے پُر حکمت اقوال درجِ ذیل ہیں:

(اقوال کاخزانہ)

(۱)          نیک کردار اور علم میں درجہ انتہاء یہ ہے کہ آدمی جہالت اور بدکرداری کے قریب بھی نہ جائے۔

(۲)         اللہ پر ایمان محکم کے ساتھ ساتھ صبر کرنا ہی صحتمندی کی علامت ہے۔

(۳)         تم کبھی خود کو مطمئن اور قانع نہیں کہہ سکتے، جب تک کہ تم ضروریاتِ زندگی کے علاوہ بھی دوسری چیزوں کے طلبگار رہو۔

(۴)         اصلاح نفس اور اعمال صالحہ کے لئے نیک نیت ہونا از حد ضروری ہے۔

(۵)         اپنے نفس کی نگرانی نہ کرنے والے بے سعادت مند ہوتے ہیں۔

(۶)         جھوٹی قسم کھانا اور دوسروں کو بھی اس فعل کے لئے آمادہ کرنا گناہ کے زمرہ میں آتا ہے۔

(۷)         حکمت و دانائی ہی روح کی غذائیں ہیں۔

(۸)         انسان کے بس میں نہیں ہے کہ رب کی نعمتوں کا شکر ادا کرسکے، جیسا کہ شکر ادا کرنے کا حق ہے۔